Наурызнама – көктемнің, жаңарудың және бірліктің белгісі. Бұл дәстүр ата-бабамыздан келе жатқан ерекше мейрам. Халқымыз Наурыз келгенде бір-біріне ақ тілектер айтып, өкпе-ренішті ұмытып, дастархан жайып, жақсылықпен қарсы алған. Наурызнама – тек мереке емес, ол мейірімнің, татулықтың және жаңа бастамалардың символы. Ұлыстың ұлы күні әр шаңыраққа береке, қуаныш пен молшылық әкелсін!

Наурыз – қазақ халқы үшін тек мереке ғана емес, жаңару мен бірліктің, жақсылық пен ізгіліктің бастауы Бұл күндері адамдар бір-біріне ақ тілектер айтып, өкпе-ренішті ұмытып, жаңа жылды жақсы ниетпен қарсы алады. Қазақ дәстүрінде Наурыз мейрамы бірнеше күнге созылып, «Наурызнама» деп аталған. Әр күннің өзіндік мәні мен тәрбиелік маңызы бар.  Ұлттық құндылықтарды дәріптеу,  Табиғатпен үйлесімді өмір сүру,  Ынтымақ пен татулықты нығайту - осының бәрі Наурыз мейрамының басты мағынасы.